: (१) प्राइभेट कम्पनीको साधारण सभाको गणपूरक सङ्ख्या त्यस्तो कम्पनीको
नियमावलीमा लेखिए बमोजिम हुनेछ ।
(२) कम्पनीको नियमावलीमा गणपूरक सङ्ख्याको लागि बढी सङ्ख्या तोकिएकोमा बाहेक
पब्लिक कम्पनीको बाँडफाँड भएको कुल शेयर सङ्ख्याको पचास प्रतिशतभन्दा बढी शेयरको
प्रतिनिधित्व हुने गरी कुल शेयरधनीहरुमध्ये कम्तीमा तीनजना शेयरधनीहरु स्वयं वा आफ्नो
प्रतिनिधि मार्फत उपस्थित नभई सभाको काम कारबाही हुने छैन ।
(३) उपदफा (२) बमोजिमको गणपूरक सङ्ख्या पुरा नभएको कारणले सभा हुन नसकी
कम्तीमा सात दिनको सूचना दिई अर्कोपटक सभा बोलाउँदा कम्पनीको बाँडफाँड भएको कुल
शेयर सङ्ख्याको पच्चीस प्रतिशत शेयरको प्रतिनिधित्व हुने गरी कम्तीमा तीनजना शेयरधनीहरु
स्वयं वा प्रतिनिधिमार्फत उपस्थित भएमा सभा गर्न बाधा पर्ने छैन ।
(४) यस दफामा अन्यत्र जुनसुकै कुरा लेखिएको भए तापनि दफा ३ को उपदफा (२)
मा रहेको प्रतिवन्धात्मक वाक्यांशमा उल्लेख भए बमोजिम संस्थापना भएको वा दफा १७३ को
उपदफा (१) बमोजिम संस्थापना भएको कम्पनीको लागि उपदफा (२) वा (३) मा लेखिए
बमोजिम तीनजना शेयरधनी उपस्थित हुन अनिवार्य हुने छैन ।